Айбек Нұғымаров „Қазақстан барысы„ турниріне қатысатын болды

53 просмотров

Допингке қатысты даумен спорттық жарыстардан шеттетілген Айбек Нұғымаров, Самир Мамедов және Мереке Тұрашев биыл «Қазақстан Барысы» турнирінің Астанада өтетін финалына қатысатын болды.

Бұл туралы «Қазақ күресі» федерациясының президенті Арман Шураев Facebook-тегі жеке парақшасында жазды.

«WADA-дан жақсы жаңалық келді! Нұғымаров, Мамедов, Тұрашев «Қазақстан Барысына» қатысады!!!!», — деп жазыпты Арман Шураев.

Айта кетейік, ұлттық турнирдің финалистері – Мереке Тұрашев, Александр Касачев, Айбек Нұғымаров және Самир Мамедовтың қанынан тыйым салынған мельдоний препараты табылып, спортшылар жарыстардан шеттетілген болатын.

«Қазақ күресі» федерациясы президентінің айтуынша, бұл спортшылар 3 шілдеде Астанада өтетін «Қазақстан Барысы – 2016» турнирінің финалына қатысады.

Загрузка...