Допингке қатысты даумен спорттық жарыстардан шеттетілген Айбек Нұғымаров, Самир Мамедов және Мереке Тұрашев биыл «Қазақстан Барысы» турнирінің Астанада өтетін финалына қатысатын болды.
Бұл туралы «Қазақ күресі» федерациясының президенті Арман Шураев Facebook-тегі жеке парақшасында жазды.
«WADA-дан жақсы жаңалық келді! Нұғымаров, Мамедов, Тұрашев «Қазақстан Барысына» қатысады!!!!», – деп жазыпты Арман Шураев.
«Қазақ күресі» федерациясы президентінің айтуынша, бұл спортшылар 3 шілдеде Астанада өтетін «Қазақстан Барысы – 2016» турнирінің финалына қатысады.