Air Astana Түркияға алынып қойған билеттердің құны толықтай қайтарылатынын мәлімдеді

28 просмотров

Air Astana әуе компаниясы алдын ала Түркияға билет алып қойған азаматтарға жолсапардан бас тартқан жағдайда толық билеттің құны қайтарылатынын мәлім етті.

Air Astana әуе компаниясы Түркиядағы тұрақсыз саяси жағдайларға байланысты Азаматтық авиация комитетінің 16-шілдеде рейстер жасау туралы шешім қабылдағанға дейін Астана-Анталья-Астана және Алматы-Анталья-Алматы рейстері кешіктірілгенін хабарлайды.

«Түркияға бару және одан келу үшін «Эйр Астана» билеттерін алған жолаушыларға, сапарға шығудан бас тартқан жағдайда авиакомпания айыппұлсыз билеттің толық құнын қайтарады. Бұл 2016 жылы 15 тамызға дейінгі Ыстамбұл мен Анталияға ұшатын рейстерге қатысты», — делінген әуе компания таратқан хабарламада.

Қосымша ақпарат алу үшін «Эйр Астананың» ақпарат және брондау орталығына Алматыда: +7 (727) 2 44 44 77 және Астанада: + 7 (717) 258 44 77 номерлеріне хабарласуға болады немесе әуе компаниясының билеттерін сату кеңселері мен туристік агенттіктерге баруға болады.

Загрузка...