АИ-92 жанармайы қымбаттай ма?

20 просмотров

Алдағы екі айда елімізде АИ-92 бензиніне қатысты қандай да бір мәселе болмайды. Энергетика министрі Қанат Бозымбаев осылай дейді.

«Қазақстан дизель отынымен өзін 100 пайызға қамтамасыз етіп отырған жайы бар. Біз осы ретте дизель отынына қандай да бір мемлекеттік реттеу қажет деп санамаймыз. Ауыл шаруашылығы үшін дизель отыны аса маңызды. Бүгінгі уақытта аталған жанармайдың түрі жеңілдікті бағамен облыс әкімдіктерінің көлемдеріне сәйкес толық өндірілуде. Яғни, ешқандай мәселе жоқ», – деді ол.

Сонымен қатар  министр күзде де дәл осындай жағдай жалғасатынын, өйткені, ауыл шаруашылығы үшін жанармайды молынан жеткізу заңнамалық нормалармен бекітілгенін баса айтты.

«Ал АИ-92 маркалы бензиніне қатысты айтар болсам, алдағы екі айда АИ-92 жанармайына қатысты ешқандай проблема көріп отырғаным жоқ. Өйткені, елімізде өндірілген бензиннің жеткілікті қоры бар», — деді Қанат Бозымбаев.

Загрузка...