Агробанкті жеделдетіп құру қажет – Оразалы Сәбден
Агробанкті құруды кешіктіруге болмайды. Әйтпесе жер өзге коммерциялық банктердің иелігіне шоғырланып, мақсатты түрде игерілмей қалуы мүмкін.
Бұл туралы бүгін Жер реформасы жөніндегі республикалық комиссияның отырысында белгілі экономист, комиссия мүшесі Оразалы Сәбден айтты деп хабарлайды ҚазАқпарат.
– Жерді жалға бергенде кейбір артық мәселелерге кетіп қалып жатырмыз. Бай, кедей деп бөліп қарауға тиіс емеспіз. Сосын, жерге инвестиция беретін адамдарға басымдық берейік, шетелдік емес әрине, өзіміздің азаматтарымызды айтып отырмыз. Бұл кредит пен лизингке де қатысты. Өйткені, Қазақстанның жері қазір қаражатқа зәру. Сондықтан, жерді байлар алып жатыр деп байбалам салудың қажеті шамалы,- деді Оразалы Сәбден комиссия отырысында.
– Өткенде де айттым, қазір де қайталаймын агробанк құру керек. Өйткені, банкирлер қазіргі күні барлық ресурстарды қолында ұстап отыр. Олар жерді иеленіп алады да, сот арқылы ұстап отыра береді. Сол үшін агробанк құруды кешіктіруге болмайды, – деді Оразалы Сәбден.
Астанада өтіп жатқан Жер реформасы жөніндегі комиссия отырысында үш мәселе қараластырылып жатыр. Олар: жалға беру институтының қалпына келуіне байланысты заңнамалық қамту мәселелері; шекара маңындағы жерді пайдалану мәселесі; жайылым проблемасын заң арқылы реттеу.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе