Адам жүретін жерге дейін жолаушыларды жайғастырған вагон басшысы жұмыстан қуылды
Интернет желісінде “Алматы-Атырау” пойызы вагондарының бірінде адам жүретін жерде ұйықтаған адамдардың суреті жарияланып, ол көптің талқысына қалған еді. Дауға айналған осы сурет жарияланымынан соң пойыз басшысы жұмысынан қуылды.
Таяуда пойыз вагондарының бірінде жерде билетсіз адамдардың балаларымен бірге ұйықтап жатқан сурет пайда болған еді. Суретті әлеуметтік желіге жүктеген адамның айтуынша, сурет 12-тамызда “Алматы-Атырау” (№041) бағытындағы пойызда түсіріліпті.
“Бұл суреттің рас-өтірігі нақтыланбады. Соған қарамастан, пойыз басшысы өз қызметінен босатылды”, – деп хабарлады Қилыбай.
“Жолаушылар тасымалы” АҚ басқарма төрағасының айтуынша, билетсіз жолаушыларды пойызға мінгізуге қатысты шағымдары жиілеп кеткеннен кейін осындай шараны қабылдауға тура келген.
– Бұған дейін мұндай шағымдар келіп түскен еді, осыған байланысты оны басқа қызметке ауыстырдық. Енді ол учаске басшысы емес, – деді басқарма төрағасы.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе