Абаттандыру мекемесі студенттің үстіне құлаған ағаш „жап-жасыл, бұтақтары сау еді„ деп ақталды
әл-Фараби атындағы Қазақ ұлттық университетінің студенті Мөлдір Ержанова аялдамада тұрған кезде үстінде ағаш құлап, жарақаттанды.
Ол осы жоғары оқу орнынның география факультетінің 2-курс студенті екен. Дәрігерлердің айтуынша, науқастың жағдайы ауыр деп хабарлайды ҚазАқпарат.
«Шұғыл көмек көрсету мәселесі шешіліп жатыр. Біздің мамандар жағдайын қарап, өмірлік көрсеткіштеріне мониторинг жасайтын болады. Осыдан кейін ота жасау қажет пе әлде емдеуге бола ма деген мәселе анықталады», – деді №7 қалалық клиникалық аурухананың №2 нейрохирургия бөлімшесінің меңгерушісі Елдар Құрманов.
«ҚазҰУ басшылығы бұл оқиға жайында біледі. Бұл келеңсіз жайт ҚазҰУ аумағында орын алған жоқ. Дегенмен, жоғары оқу орны тарапынан көмек көрсетіледі», – деп хабарлады баспасөз қызметінен.
Бостандық аудандық әкімдігі аппараты абаттандыру бөлімінің жетекшісі Ренат Сейдіраманов құлаған ағаштың сау болғанын айтады.
«Ағаш та, оның бұтағы да жасыл, сау. Сау бұтақ сынып құлаған, себебі түсініксіз. Бұл – табиғи құбылыс. Сондықтан біреу кінәлі деп айта алмаймыз. Ал қызға көмек көрсетіле ме, көрсетілмей ме, білмеймін» – деді ол.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе