Ақтауда 6 жасар қызды қорлады деген күдікті кезінде педофилдің құрбаны болыпты

135 просмотров

Ақтауда 6 жасар қызға аяуандық жасады деген күдіктіге қатысты қосымша ақпараттар белгілі болды.

Оның ақыл-есі сау деп танылды. Бұл туралы күдіктінің адвокаты Намиг Велиев айтты деп хабарлады 31 телеарна.

6-жасар Виканы биыл тамыз айының соңында ұрлап әкетіп, қорлық көрсеткен. Бірнеше сағаттан соң қансыраған бүлдіршін Ақтаудың маңындағы аудан көшелерінің бірінен табылды. Балақай әлі комада жатыр. Оны қарауға еліміздің барлық мықты деген дәрігерлері тартылды. Дәрігерлердің болжамдары көңіл көншітпейді.

Балаға қолы тиюге дәті барған күдікті ер азаматтың өзінің де зорлық-зомбылық құрбаны болғаны белгілі болып отыр.

Ол өзіне кішкене кезінде есі дұрыс емес ағайын ағасы тиіскенін айтады. Қазір ол 32 жаста. Әйелі мен 5 жасар ұлы бар. Қамауға алынғанға дейін жеке көлігімен такси болып күнелткен.

Қылмыс жасалған күні ұрлық жерінен, одан кейін балақайды тауып алған жерде болуын ол кездейсоқтық дейді. Сол күні ол маңға күдікті тұтынушыларын жеткізгенін айтады.

Алдында күдікті қылмысын мойындаған, кейіннен адвокатқа «мені мәжбүрледі» деп мәлімдеген.

Загрузка...