Ақтөбедегі теракт: «Жиһадқа» шыққан тепловоз машинисі жарты жолдан үйіне қайтқан

46 просмотров

Тепловоз машинисті Серік Арыстанов Ақтөбе қаласындағы лаңкестік әрекет туралы біле тұра, ол туралы құқық қорғау органдарына хабар бермеген.

«Палада» қару-жарақ дүкеніне келген кезде Арыстанов қылмыстық топтың ішінде болды. Алайда дүкенге кірмей жатып, оқиға орнынан кетіп қалған. Қалалық соттың шешімімен оны екі айға қамауға алды, деп хабаралайды Baq.kz тілшісі «Эврика» газетіне сілтеме жасап.

Басылымның мәліметтеріне сәйкес, маусымның 5-сі күні Арыстанов 45 радикалмен бірге Есет батыр көшесіндегі жалдамалы пәтерге барған. Сол жерде олар ДАИШ-тың мүшесі «Шейх Аднанидің» жазбаларын тыңдап, 25 адамның «қарулы жиһадқа» барады деп шешкен. Олардың ішінде Арыстанов та болған.

Радикалды топтың белсендісі Дмитрий Таңатаров (алған жарақаттардан қайтыс болды – авт.) шабуыл жасаудың жоспарын жариялап, әрбір адамға тиісті рөлдерін белгілеп бергеннен кейін, қылмыскерлер «Паллада» дүкеніне бет алған. Олардың арасында Арыстанов та болды. Алайда қару-жарақ дүкеніне кірмей жатып, ол райынан қайтып, қылмыс жасаудан бас тартқан.

Қылмыстық материалдарға сәйкес, Арыстанов терроризм актісі туралы білсе де, ол жайында құқық қорғау органдарына хабар бермеген.

Сол үшін ҚР Қылмыстық кодексінің 434-бабы бойынша («Қылмыс туралы хабарламау») алты мың айлық есептік көрсеткiшке дейiнгi мөлшерде айыппұл салуға немесе алты жылға дейінгі мерзімге бас бостандығынан айыру жазасы қарастырылған. Сот санкциясымен оны қамауға алды.

Загрузка...