Маусым айында Ақтөбе қаласында орын алған “Паллада” қару-жарақ дүкені мен №6655 әскери бөліміне қарулы шабуылға қатысы бар тоғыз адамды екі айға қамауға алды.
Ақтөбедегі лаңкестікке қатысы бар 9 адам екі айға қамалды
Бұл туралы Ақтөбе облыстық сотының баспасөз қызметі мәлімдеді деп хабарлайды BAQ.kz.
“Ақтөбе қалалық №2 сотына “Паллада” қару-жарақ дүкені мен №6655 әскери бөліміне қарулы шабуылға қатысқан 16-29 жас аралығындағы 9 адамға қатысты қамауға алу түріндегі бұлтартпау шарасын таңдау туралы өтініш келіп түсті”
– делінген хабарламада.
Сонымен қатар, баспасөз қызметіндегілердің айтуынша, Ақтөбе қалалық №2 сотының тергеу судьясының қаулысымен бұл адамдарды қамауға алу түріндегі бұлтартпау шарасын таңдау туралы өтініш қанағаттандырылды. 2016 жылдың 8 және 14 маусымында 2 ай мерзімге қамауға алу түріндегі бұлтартпау шарасы таңдалды.
Естеріңізде болса, 5 маусым күні Ақтөбеде ұйымдасқан лаңкестік топ қару-жарақ дүкендеріне және әскери бөлімге шабуыл жасаған болатын. Қалада антитеррористік операция режимі белгіленді. Лаңкестердің шабуылының салдарынан араларында үш әскери бар жеті адам қаза тауып, 18 лаңкестің көзі жойылған болатын.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз