Ақтөбеде шекара офицері көше ұрысын ұстады
Ақтөбеде шекарашы офицер әйелдің қолынан сөмкесін жұлып алып қашқан жігітті қуалап жүріп, ұстады.
Бұл туралы ҚР Ұлттық қауіпсіздік комитетінің баспасөз қызметі хабарлады.
Ақтөбе шекара отрядының „Батыс„ өңірлік басқармасының аға лейтенанты, №2030 әскери бөлімшенің офицері Бауыржан Намұратов таңертең қызметіне бара жатады. Пушкин атындағы саябақ жанынан өтіп бара жатқанда ол: „Ұрыны ұстаңдар„ деген әйел дауысын естиді.
Сол кезде Бауыржанның жанынан қолында әйел сөмкесі бар бір жігіт жүгіріп өте шығады. Бірден ұры деген сол жігіт екенін ұққан офицер оның ізіне түсіп, қуа жөнеледі. Көпке ұзамай шекарашы ұрыны ұстап, полиция шақырады. Полиция көлігі келіп жеткенше, ол қарсылық көрсетуге барынша тырысқан ұрының қолын қайырып ұстап тұрады.
Ұры 22 жастағы жергілікті тұрғын болып шықты. Полиция ұрыны құрықтап, әйелдің қолды болған сөмкесін өзіне қайтарып берді.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз