Ақтөбеде рэкеттер бой көтере бастады

449 просмотров

Ақтөбеде бір топ жігіт кәсіпкердің желкесіне тапанша тақап тұрып, оның бар дүниесін өздеріне аударып алған.

Бұл туралы Аktobenews.kz хабарлады.

1-қыркүйек күні 49 жастағы ақтөбелік кәсіпкер полицияға шағым түсірген. Ол шағымында белгісіз төрт адамның өзін қамауда ұстап, ақша бопсалағанын айтқан.

Түскен шағым бойынша, тексеру жүргізген полиция қызметкерлері жəбірленушінің банк картасындағы 500 мың теңге жоғалғанын анықтады. Бопсалаушы топ жәбірленушіге қару кезеніп, 5 млн теңгесі мен «Тойота Лендкрузер» автокөлігін өз аттарына аудартқан.

Полицияға түскен арыз бойынша, құқық қорғау орындары тергеу жұмыстарын жүргізген. Нәтижесінде, 41, 26 және 24 жастағы бұрын сотталған ақтөбелік тұрғындар қолға түсті.

Облыстық ішкі істер департаментінің баспасөз қызметінің хабарлауынша, бұл іске қатысты үш бап бойынша қылмыстық іс қозғалған.

Загрузка...