46 жастағы Санат Досов Facebook әлеуметтік желісінде РФ президенті Владимир Путиннің саясатына қатысты теріс пікір білдіріп отырған, деп жазады kerek-info.kz.
Ақтөбе соты қазақ баласына “әлеуметтік араздықты қоздырды” деген ауыр айып тағыпты.
№2 сотында Процесс Ақтөбе қалалық сотында 29 қарашада басталды.
Құзырлы органдар Санат Досовты өткен жылдың соңынан бастап бақылаған.
Ол Ресей Федерациясы президенті жайлы ақпараттарды өз парақшасында тұрақты түрде жариялаған. Сондай-ақ, ол президенттің жеке басына тіл тигізіп, оның саясаты туралы пікір білдірген.
Алайда адвокаттың айтуынша, ол жазбаларды жариялағанын бірен-саран мойындаған. Ал қалған жазбаларды ол емес, хакерлер жазып қойған деп ақталған.
Сот процесіне ҰҚК-нің Ақтөбе облысы департаменті қызметкері куәгерлік етті. Оның айтуынша, Санат Досов Facebook әлеуметтік желісіндегі парақшасына “Путин фашист” деп жазып қойған.
Сот жалғасуда.