Ақтөбеде 5-маусымда 11 қылмыскердің көзі жойылды, ал түнгi жедел-iздеу шаралары барысында полицейлерге қарсылық көрсеткен тағы 7 басбұзар оққа ілінді. Бұл туралы бүгiн Үкімет отырысында ҚР Iшкi iстер министрi Қалмұханбет Қасымов мәлiм еттi, деп хабарлайды BNews.kz.
– Түнгi жедел-iздеу шаралары барысында полицейлерге қарсылық көрсету кезiнде тағы 7 қылмыскер жойылып, екеуi жарақат алып, ұсталды. Қылмыскерлерден ұрланған қарудың көп бөлiгi тәркiлендi. Қалған қылмыскерлердiң кiм екенi анықталды, қазiр оларды құрықтау бойынша тиiстi шаралар қабылданып жатыр, – деп мәлiм еттi министр.
Оның сөзiнше, қазiр Ақтөбеде жағдай қалыпты.
– Қазiр Ақтөбе облысында контртеррорлық операция режимi енгiзiлген. Ақтөбеде жағдай тұрақты. Кәсiпорындар мен қоғамдық көлiктер қалыпты жағдайда жұмыс істеп жатыр. Iшкi iстер органдарының барлық жеке құрамы күшейтiлген тәртiпке көшiрiлдi, – дедi ол.
Iшкi iстер министрлiгi жергiлiктi атқарушы органдармен бiрге қаза тапқандар мен жарақат алғандардың отбасыларына көмек көрсету шараларын қолға алғанын да баса айта кетелік.