Ақтөбе облыстық тұтынушылар құқықтарын қорғау басқармасы мамандары ақтөбелік сауда орындарындағы өнімдерді сараптамалық зерттеуден өткізіп, оның 20 пайызы Кеден одағы регламентінде келтірілген ережеге сай еместігін анықтаған. Оның ішінде балаларға арналған тағамдар да бар.
Бұл туралы «Ақтөбе-Ақпарат» орталығында өткен брифинг барысында тұтынушылар құқықтарын қорғау басқармасының басшысы Нұрсұлу Беркімбаева мәлім етті деп aktobenews.kz хабарлайды .
Асқазан-ішек ауруларының осы маусымда 6 пайызға азайғаны байқалды. Ал облыстың төрт ауданында балалар арасында бруцеллездің жоғары көрсеткіші анықталып отыр. Бұл — Ойыл, Мәртөк, Темір және Хромтау аудандары.
Облыстың бас эпидемиологының мәлімдеуінше, Ақтөбенің ауыз суының сапасы республикадағы ең сапалы су болып есептеледі. Су құбыры сынамаларының микробиологиялық деңгейі — 2,8 пайыз.