Ақша ұрлап, несиесін жапқан Қазпоштаның аудандық желісінің бастығы ұсталды
„Қазпошта„ АҚ-тың Ақмола филиалының аудандық желісінің бастығы өтірік есеп-қисап түзіп, мекемеден 21 миллион теңгеден астам ақша жымқырған.
Ал ұрланған ақшаны ол несие төлеу және басқа да қажеттіліктеріне жаратқан деп хабарлады BNews.kz.
– Олар 2013 және 2015 жылдары қызметтік бабын асыра сілтеп, өтірік есеп-қисап түзіп, ақша ұрлаған. Бір-бірінің артын жабу арқылы ақыры кассадан 21 миллион теңгеден астам ақша қолды болған. Ол ақша несие өтеуге және басқа да қажеттіліктерге жұмсалған, – дейді Мемлекеттік кірістер департаментінің баспасөз хатшысы Нұрлан Ысқақов.
Аудандық желі қызметкерлері сот алдында да жауап берді.
„Қылмыстық жолмен табылған мүліктер тәркіленіп, бұрынғы бастық пен оның орынбасарына 7-ден 5 жыл бас бостандығынан айыру жазасы кесілді. Бас есепші мен касса меңгерушісі 7 жыл шартты жазаға тартылды. Барлық сотталушы мемлекеттік органдар мен мекемелердегі мемлекеттік қызмет ету құқығынан айырылды„ – дейді Ысқақов.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе