Ақша айналымына 500 теңгелік „Сексеуіл„ ескерткіш күміс ақшасы шықты

137 просмотров

ҚР Ұлттық банкі 19-тамызда «Қазақстанның флорасы мен фаунасы» монеталар сериясынан номиналы 500 теңгелік, «рroоf» сапалы «Сексеуіл» ескерткіш күміс монеталарын ақша айналымына шығарды.

Бұл туралы ҚР Ұлттық банктің баспасөз қызметі хабарлады.

Монеталар 925 сынамды күмістен жасалған, массасы – 24± 0, 24 грамм, сопақша 38,61 — 28,81 мм., дайындау сапасы – «proof», таралымы – 3 мың дана.

Номиналы 500 теңгелік ескерткіш монеталар еліміздің бүкіл аумағында көрсетілген құнымен төлемнің барлық түрлері бойынша, сондай-ақ банк шоттарына және ақша аудару кезінде қабылдануға міндетті, еліміздің барлық банктерінде шектеусіз ұсақталады және айырбасталады.

Монеталардың дизайны ҚР Президентінің 2003 жылғы 25 қыркүйектегі № 1193 Жарлығымен бекітілген Қазақстан теңгесі – ұлттық валюта банкноттары мен монеталары дизайнының тұжырымдамасына сәйкес әзірленген.

Монеталарды ҚР Ұлттық Банктің барлық филиалдарында немесе www.nationalbank.kz сайтындағы «Монеталардың Интернет-дүкені» арқылы да сатып алуға болады.

Загрузка...