8 қараша күні өтетін АҚШ президенті сайлауына екі апта қалғанда республикашыл Дональд Трамп демократиялық партия үміткері Хиллари Клинтоннан қалып қойды.
Сайлау қарсаңындағы соңғы сауалнама бойынша, Хиллари Клинтон жалпы дауыс бойынша да, сайлау тағдырын шешетін штаттарда да алда келеді. Клинтонның сайлау штабы басшысының мәлімдеуінше, 8 қарашада “Америка тарихындағы ең маңызды сайлау” өтеді. Сайлау учаскелеріне әдеттегіден көп сайлаушы дауыс беруге келеді деген болжам бар.
Трамптың сайлау штабы басшысының Эн-би-си телеарнасына мәлімдеуінше, Клинтонның “кейбір” басымдығына қарамастан, республикашылдар “жеңіске жетуі мүмкін”. Өткен жұмада республикашыл үміткердің өзі “жеңіліп қалуы мүмкін” екенін мойындады.