АҚШ пен оның одақтастары Сирия халқын қорғау мақсатында ұшқышсыз әуе аймағы жүйесін қамтамасыз ету керек деп шешсе, Ресей президенті осындай жүйені жүзеге асырушы америкалық ұшақтарды атып түсіру туралы бұйрық беруі мүмкін. АҚШ Ұлттық барлау басшысы Джеймс Клаппер осындай болжам айтты.
Сирияда ұшақсыз аймақ жасау идеясын АҚШ президенті Барак Обаманың айналасындағылар және америкалық баспасөз қызу талқылап жатыр.
Демократиялық партия атынан АҚШ президенттігіне үміткер Хиллари Клинтон мұндай жүйені Ресеймен ақылдасып барып Сирияда құрған жөн деп есептейді. Оның пікірінше, осындай шара қолдану арқылы бейбіт тұрғындарды қорғап, аймақтағы жанжалды доғаруға болады.
Сарапшылар сириялық оппозицияға қару жеткізуді осыған балама ретінде Пентагонға ұсынып отыр. Бірақ президент Обама мұндай идеяны әзірге мақұлдауға дайын емес.