Жабық тас жолда кептелісте қалған жүргізушілер мен жолаушылар жылыту пункттерінде ауа райының түзелуін күтуде.
Ақмола облысының жолдары жабылып, көлік қозғалысы іркілді. Аязда кептелісте қалған көлік жолаушыларынан маза кетті, деп хабарлайды өңірдің төтенше жағдайлар жөніндегі департаментінің баспасөз қызметі.
Жолдың жабылуы салдарынан “Астана-Щучинск” тас жолының 97 шақырымында, “Атбасар-Көкшетау”, “Астана-Петропавл” автожолдарында 100-ге жуық көлік тығында тұрып қалды, оның ішінде 48 жеңіл автокөлік және 12 жүк автокөлігі бар. Көліктің жүргізушілері мен жолаушылары, оның ішінде 5 бала 4 жылыту мекендеріне орналастырылды және ыстық тамақпен қамтамасыз етілді. Адам шығыны мен зардап шеккендер жоқ.