Ақмола облысында екі әлеуметтік-спорт нысаны ашылды

19 просмотров

Бүгін Ақмола облысының Аршалы ауданында ҚР Тәуелсіздігінің 25 жылдығы мерейтойына орай екі бірдей әлеуметтік-спорттық нысан ашылды.

Бұл туралы облыс әкімінің баспасөз қызметі хабарлады.

Ақмола облысындағы №1 Аршалы спорт мектебінің спорт залы мен аудандық жастар паркі «Самұрық-Қазына» ұлттық әл-ауқат қорының демеушілігімен қайта жөнделіп, тұрғындарға ұсынылып отыр.

Салтанатты шараға ҚР Білім және ғылым вице-министрі Асылова мен Мәжіліс депутаттары қатысты.

Шара барысында жиналған аршалылықтар мен құрметті қонақтарға street workout бойынша әлем чемпионы Дияс Биджиев бастаған Bar Bars командасының мүшелері өздерінің өнерлерін көрсетті.

Ал №1 Аршалы спорт мектебінің спорттық залында «Астана» президенттік спорт клубының менеджері, еркін күрестен Олимпиада чемпионы, Қазақстанның еңбек сіңірген спорт шебері, жаттықтырушы Юрий Мельниченко балалар үшін арнайы жаттықтыру сабақтарын өткізді.

Загрузка...