Ақмола облысында 17 жасар қыз жоғалып кетті

155 просмотров

Ақмола облысында із-түзсіз жоғалып кеткен жасөспірім іздестіріліп жатыр.

Бұл туралы облыстық ішкі істер департаментінің баспасөз қызметінен хабарлады.

Полицейлердің мəліметі бойынша, 4 тамыз күні Есіл аудандық ішкі істер басқармасына 17 жастағы Любовь Олеговна Скубакованың жоғалып кеткені туралы туыстарынан арыз түскен.

Арызда Есіл қаласында тұратын жасөспірімнің 2016 жылдың 30-шілдесінде үйінен шығып кетіп, қайтып оралмағаны айтылған.
Полицейлердің айтуынша, жоғалған қыз əкесі жəне əжесімен бірге тұрады.

Жоғалған күні қыз əжесінен сұранып, бөлек тұратын анасының үйіне баратынын айтқан. Сол себепті, əжесі немересін іздеуге асықпаған. Кейін тамыздың 4-і күні қыздың анасының үйіне бармағанына көз жеткізген соң туыстары полицияға хабарласқан.

Жасөспірім осыған дейін үйінен өз еркімен кетіп қалып, қайтып оралып отырған. Осы мәселе бойынша, маусым айында қыз ішкі істер органдарына есепке алынған.

«Іздеу жұмыстарына Есіл аудандық ішкі істер басқармасы жəне көршілес аумақтың ішкі істер органдарының бөлімшелерінен 50 адам тартылды. Əзірге, еш нәтиже жоқ», деп көрсетілген хабарламада.

Загрузка...