Ақмола облыстық сотының жаңа судьялары тағайындалды
Ақмола облыстық сотының төрағасы Нұрғазы Әбдіқанов облыстық соттың жалпы отырысында облыстық соттың жаңа тағайындалған судьяларын таныстырды, – деп хабарлайды облыстық соттың баспасөз қызметі.
Қазақстан Республикасы Президентінің «Қазақстан Республикасы соттарының төрағалары мен судьяларын қызметке тағайындау және қызметтен босату туралы» 2016 жылғы 31-мамырдағы № 271 Жарлығымен Ақмола облыстық сотының судьясы қызметіне Байболова Зәуре Мақсұтқызы және Рахметова Светлана Нәбенқызы тағайындалды. Олардың біріншісі, яғни, Зәуре Байболова бұдан бұрын Ақмола облысы мамандандырылған ауданаралық экономикалық сотының судьясы қызметін атқарса, Светлана Рахметова Көкшетау қалалық сотының судьясы болған.
Светлана Рахметова Ақмола облысының сот жүйесінде 20 жылдан астам уақыт жұмыс істеп, оның ішінде, Көкшетау қалалық сотының судьясы қызметінде 13 жыл қызмет атқарған.
Зәуре Байболова Ақмола облысы экономикалық сотындағы судьялық жұмыс өтілі 12 жылды құрайды.
Облыстық сотқа жаңа тағайындалған судьялар өз міндеттерін атқаруға кірісіп кетті.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе