9-маусымда Қазақстанның басым бөлігінде аптап ыстық болады

27 просмотров

9-маусымда Қазақстанның басым бөлігінде аптап ыстық болады. Кей өңірлерде ауа-райы температурасы 30-38 градусқа көтерілсе, ал оңтүстікте күн 40-43 градусқа дейін қызады.

Қазгидрометтің хабарлауынша, күннің күрт қызуы Таяу Шығыстан ойысқан тропосфералық оңтүстік-батыс ауа-райы ағымының әсерінен болып тұр.

Керісінше, Батыс өңірден ығысқан атмосфералық фронттар салдарынан, республикамыздың батысы мен солтүстік шеткі аудандарының кей жерлерінде найзағай жарқылдап, өткінші жаңбыр жауады. Желдің екпіні күшейіп, бұршақ жаууы да ықтимал.

Апта соңында батыс пен солтүстіктің құбылмалы ауа-райы басқа өңірлерге де тарап, аптап ыстықтың беті қайтуы мүмкін.

Загрузка...