8 миллиард теңге игерілмеген
Үкімет 8 миллиардқа жуық теңгені тағы игере алмаған.
“Көрсеткіштер бұл жолы да көңіл көншітпейді. Себебі 8 миллиард мүлдем игерілмей, шотта бос жатып қалған. Ал 459 миллиард теңге тиімсіз жұмсалған. Қолда бар ақшаны ұқсата алмағандықтан, 64 әлеуметтік нысан, яғни, мектеп, аурухана, тұрғын үй салынбай қалған”, – деп хабарлайды КТК арнасы.
Үкімет былтыр мемлекеттік кірістің жоспарын да орындай алмапты. Аталған мәселені талқылау үшін Сенатқа келген Үкіметбасының орынбасары Дариға Назарбаева сенаторлардың бұған қатысты ұсыныстарын мұқият тыңдап шыққан соң, қарамағындағыларды қатаң бақылауға алуға уәде берді.
Дариға Назарбаева, ҚР Премьер-министрінің орынбасары:
– Қателіктер бар, оны мойындаймыз. Мемлекеттік қызметкерлердің жұмысын қадағалау үшін қоғамдық кеңес құрылды. Яғни, тәуелсіз сарапшылар енді бюджет қаржысының игерілуіне емес, нәтижесіне қарай бағалайтын болады. Сондықтан 2016 жылғы бюджеттің есебі әлдеқайда сапалы болады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе