Бүгін еліміздің басым аумағында өткінші жаңбыр жауады

20 просмотров

Қазақстанның басым аумағында өткінші жаңбыр жауып, найзағай ойнайды, жел соғады. Тек еліміздің оңтүстік және батыс өңірлері жауын-шашынсыз болады.

Gismeteo.kz келтірген мәліметтерге сүйенсек, Қазақстанның орталық өңірінде көшпелі бұлт жүріп, кей жерлерде өткінші жаңбыр жауып, найзағай ойнайды деп күтіледі. Қарағанды облысының оңтүстік бөлігінде күн ашық, күндіз ауа температурасы +24, +26 градус ыстық, ал түнде термометр көрсеткіші +12, +15 градусқа төмендейді.

Солтүстік өңірлерде күн ала бұлтты, бірақ жаңбыр жаумайды. Тек Павлодар облысында жаңбыр жауып, жел тұрады, найзағай ойнайды. Күндіз сынап бағанасы +16, +18° градус, түнде +8, +11 градус болады.

Шығыс Қазақстанда көшпелі бұлт шығады, оқта-текте аздаған жауын жауып, найзағай ойнайды. Күндіз ауа температурасы +18, +21 градусты көрсетеді.

Республиканың оңтүстік облыстарында да күн ала бұлтты, Алматы өңірінде өткінші жауын жауып, найзағай жарқылдайды, күндіз сынап бағанасы +21,.+24 градусқа барады.

Қазақстанның батысында көшпелі бұлт жүреді, көп жерінде күн ашық, кейбір аумағында өткінші жаңбыр жауады.

Загрузка...