29-мамырда еліміздің басым бөлігі жауын-шашынды болады

29 мамыр 2016, 10:50

Шығыс Қазақстан облысының бірқатар аумағында найзағай ойнап, бұршақ түсуі мүмкін, жел екпіні 15-20 м/с күшейеді.

Ақмола облысының да кейбір ауданында найзағай ойнап, күндіз жел екпіні 15-20 м/с күшеюі мүмкін.

Ақтөбе облысында желдің жылдамдығы 15-20 м/с жетеді, күндіз өңірдің кейбір жерлерінде күн күркіреп, найзағай ойнайды.

Түнде Солтүстік Қазақстан облысында да найзағай жарқылдап, желдің екпіні 15-20 м/с артады деп күтіледі.

Күндіз Маңғыстау облысының кей жерлерінде жел екпіні 15-20 м/с жетіп, шаңды дауыл болуы ықтимал.

Оңтүстік Қазақстан, Атырау облыстарының кей жерлерінде күн күркіреп, найзағай ойнауы мүмкін. Атырау, Батыс Қазақстан, Маңғыстау облысының кей жерлерінде аптап ыстық күтіледі.