Америкалықтар асырап алған қазақстандық балаларды Нью-Йорктегі Бас консулдық мерекемен құттықтады
1-маусым – Халықаралық балаларды қорғау күні қарсаңында Нью-Йоркте Қазақстанның Бас консулдығы «Қазақстан-Америка альянсымен» бірлесе отырып, америкалықтар асырап алған қазақстандық балаларды құттықтады. Бұл туралы ҚР Сыртқы істер министрлігінің баспасөз қызметі хабарлады.
Бұдан бөлек, Бас консул балаларды құттықтай келе, бұндай мерекенің АҚШ-та тұрып жатқан қазақстандық балалар үшін өздерінің мәдени, рухани тілдік ерекшеліктерін ұмытпауға зор септігін тигізетінін атап өтті.
«Бас консулдық АҚШ-та асырап алынған балаларға, олардың тіршілік ортасына ерекше назар аударады. Бұл ретте консулдық жыл сайын дәстүрлі түрде өтіп тұратын «Kazapalooza» шарасына қатысып келеді. Осы алаңда қазақстандық балаларды асырап алған америкалық отбасылардың басым бөлігі бас қосатыны белгілі», – деді ол.
Өз кезегінде бала асырап алған ата-аналар жүздеген қонақтардың басын қосқан шараға шынайы алғыстарын жеткізіп, оның балаларға жағымды әсер беретінін алға тартты. Қонақтар мен балалар осы күні қазақтың ұлттық асханасынан дәм татып, ұлттық ойындар ойнады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе