2020 жылы бәрі жақсы болады – Н.Назарбаев

291 просмотров

Мемлекет басшысы Нұрсұлтан Назарбаев Қазақстан кризистен шығып келе жатқаны туралы айтты.

Бұл туралы informburo.kz порталына сілтеме жасап BAQ.kz хабарлады.

«Меңінше, бұрынғы Үкімет жақсы жұмыс істеді. Олар 2007/2009 жылғы дағдарыстан шықты. Бұл тапсырманы орындады. Менің тапсырмам бойынша барлық бағдарламаларды жүзеге асырды. Мысалы, «Үдемелі индустриалды-инновациялық даму бағдарламасы», «Нұрлы жол» соның айғағы. Енді жаңа уақыт келді. Біз қазір дағдарыс кезінде өмір сүріп жатырмыз. Енді сол дағдарыстан шығамыз деп үміттенемін. Алла қаласа, 2020 жылы барлығы жақсы болады. Баға қазіргідей төмен болмайды. Екіншіден, біз жаңа нысандарды саламыз. Агроөнеркәсіптік кешенді көтереміз. Барлығы оңалады. Осы қыруар жұмыстың басында жаңа үкімет мүшелерін тағайындап алдық. Барлығы тәжірибелі, өз ісінің мамандары. Бізге қазір жаңа мамандар, жастар керек.Бірақ жастың бәрі сапалы бола бермейді. Үкіметтің жаңа мүшелерінің барлығы білімді азаматтар. Әлемдік деңгейде компанияларда жұмыс істеген. Сағынтаевты барлықтарыңызда білесіздер. Ол Павлодар облысында әкім болған. Солтүстікпен жақсы таныс. Жамбыл облысының әкімдігінде қызмет еткен. Оңтүстікте бәрі біледі. Менің ойымша, кез келген жаңа адам жаңа серпін әкеледі», – деді Н.Назарбаев.

c53b132210c35de725d438d8e9112d05_resize_w_520_h_

Загрузка...