145 млрд теңге зейнетақы ақшасы квазимемлекеттік ұйымдарға инвестицияланады
17-маусымда Бірыңғай жинақтаушы зейнетақы қорының сомасы 145 млрд теңге зейнетақы активі квазимемлекеттік ұйымдардың құнды қағаздарына инвестицияланды.
Бұл туралы Үкімет отырысында ҚР Ұлттық банктің төрағасы Данияр Ақышев мәлім етті деп хабарлайды Bnews.kz.
– 2016 жылы БЖЗҚ-ның 400 млрд теңге көлеміндегі зейнетақы активін квазимемлекеттік сектор субъектілерінің борышқорлық құнды қағаздарына инвестициялау көзделіп отыр.17-маусымдағы жағдай бойынша БЖЗҚ-ның 145 млрд теңге зейнетақы активі квазимемлекеттік ұйымдардың құнды қағаздарына инвестицияланды, – деді Данияр Ақышев.
– 2016 жылға арналған дағдарысқа қарсы қосымша жедел шаралар жоспарын іске асыру кезінде БЖЗҚ-ның 85 млрд теңге зейнетақы активі квазимемлекеттік компанияларға қажет емес екені анықталып отыр. Осыған орай, аталған соманы өңдеуші өнеркәсіптің кері капиталын қаржыландыру үшін қайта бағыттау жөн деп отырмыз. БЖЗҚ зейнетақы активтерінің басқарушысы ретінде Ұлттық банк Ұлттық қор мен БЖЗҚ активтерін бірлесе пайдалануға қарсы емес. Аталған механизм аясында қарыз құнын төмендету үшін сыйақы мөшерлемесі азайтылып, көбейтіліп отырады. Бір жағынан, бұл салымшылардың мүддесін қорғауға ықпал етсе, екіншіден, экономиканың нақты секторын несиелеу құнын төмендетеді, – деді Ұлттық банк басшысы.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе