13 күннен кейін 1000, 2000, 5000 және 10 000 теңгелік банкноттар жарамсыз болып қалады
2006 жылы шыққан 2000, 5000 және 10 000 теңгелік банкноттар 3 қазаннан бастап жарамсыз болып саналады.
ҚР Ұлттық банк бұл туралы өзінің ресми сайтында хабарлады.
4-қазаннан бастап ескі банкноттармен сауда-саттық, өзге де қаржылық операциялар жасауға тыйым салынады. Сондықтан банк қызметкерлері қолда жүрген осындай ақшаларды айырбастауға кеңес береді.
Айырбасталмай қалған ақшаларды қаражат иесі кез-келген коммерциялық банктердің кассасынан жаңасына алмастыра алады. Ол үшін қосымша ақы, комиссия немесе төлемдер ұсталмайды. Ал азаматтардан 2006 жылғы үлгідегі банкноттарды қабылдамаған қаржылық ұйымдарға айыппұл салынбақ.
„Банкноттарды қабылдау мен айырбастаудан бас тартудың барлық фактілері туралы қаржылық қызметтерді Тұтынушылардың құқықтарын қорғау және сыртқы коммуникациялар басқармасына шағымдануға болады„ – дейді Ұлттық банк өкілдері.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе