Қазақстан территориясының басым бөлігінде көшпелі бұлт жүріп, жаңбыр жауады, тек республиканың батыс және оңтүстік өңірі жауын-шашынсыз, оңтүстік және оңтүстік-шығыста қатты ыстық болады.
ҚР Ішкі істер министрлігі төтенше жағдайлар комитетінің баспасөз қызметі хабарлағандай, еліміздің солтүстік аумағында қатты жаңбыр жауып, найзағай ойнайды. Жел күшейіп, бұршақ болуы ықтимал.
Солтүстік Қазақстан, Ақмола облыстарында бұршақ жаууы мүмкін.
Алматы облысында аптап ыстық болады. Сол секілді Жамбыл облысында, Оңтүстік Қазақстан облысының кей жерлерінде және Қарағанды облысында ауа-райы көрсеткіші тым жоғарылап, өрттің шығу тәуекелі артады.