Бүгін Қазақстанда 1 маусым – Балаларды қорғау күні аталып өтіп жатыр. Ол – дәстүрлі аталып өтетін халықаралық мейрамдардың бірі болып саналады.
Уикипедия деректеріне сүйенсек, балаларды қорғау күнін өткізу жөнінде шешім 1949 жылдың қараша айында Халықаралық демократиялық әйелдер федерациясының арнайы сессиясында қабылданған. Сөйтіп, 1950 жылғы 1-маусымынан бастап бұл мереке аталып өтетін болды.
Мысалы, Алматыда сағат 12.00-де мүмкіндігі шектеулі балалар мен тұрмысы төмен отбасы балалары үшін қайырымдылық акциясы аясында Қазақ циркінде көрсетілім ұйымдастырылады.
Ал Астанада Ақбұлақ өзенінің жағасында Streеt Workout-пен айналысуға арналған алғашқы арнайы алаң ашылады. Сонымен қатар, жастар «Астана Арена» стадионының жанындағы алаңда Open Air және «Болашақ энергиясы EXPO-2017» шоу-концерті өтеді.